(১) অকৰা মৈত উঠিল
(২) অতি কথকিক কথাই খায়
বৈদক খায় সাপে ৷
সাতখন ভাগৱত পঢ়াজনকো
কিঞ্চিত চুৱে পাপে ৷৷
(৩) অতি দৰ্পে হত লংকা
(৪) অতি ভক্তি চোৰৰ লক্ষণ
(৫) অতিপাত শলাগনী
ফুচুলনিৰ চিন ৷
আপুনি আঁতৰি যাবা
কৰি তাক ঘিণ ৷৷
(৬) অধিক মাছত বগলী কণা
(৭) অবুজনক বুজোৱা, ঢেৰুৱাৰ ঠাৰি সিজোৱা
(৮) অলপ কথাই বৰ, ফটা কেথাই জ্বৰ
(৯) আইলৈ যি হাত, বাইলৈও সেই হাত
(১০) আইৰো বাৰ্তা, গংগাৰো যাত্ৰা
(১১) আকালো নাই, ভঁৰালো নাই
(১২) আগফালে তেতেলি
পিছফালে ঔ ৷
সেইঘৰ মানুহ
মৰি শেষ হ'ল নে নৌ ৷৷
(১৩) আগফালে মাৰো ডাং পিছফালে ধাবাং-বাং
(১৪) আগ নুগুণি গুণে পাছ, লোভত মৰে বৰশইকীয়া মাছ ৷৷
(১৫) আগৰ হাল যেনি যায়, পিছৰ হালো তেনি যায় ৷৷
(১৬) আছে কাপোৰ আছে জাৰ, নাই কাপোৰ নাই জাৰ ৷৷
(১৭) আছে গৰু নেবায় হাল, থকাতকৈ নথকাই ভাল
(১৮) আদাক দেখি উঠিল গা, কেঁতুৰিয়ে বোলে মোকো খা ৷
(১৯) আপদৰ মাত, আকালৰ ভাত
(২০) আৰৈতকৈ উখুৱা চৰা
(২১) আহক বাৰিষা কাটক পাত, ৰৈ যা ভিনিহি খাই যা ভাত ৷
(২২) আহিল কণা গ'ল কণা, খাগৰি কাটিলে তিনি কণা
(২৩) আহু চাবা গধুলি শালি চাবা পুৱা
জাকৈ বাওঁতে ছোৱালী চাবা কোন কেনেকুৱা
(২৪) ইন্দ্ৰৰ সভাত ফেঁচাই কুৰুলিয়াই
(২৫) ইমানতে সিমান, বণিজলৈ গ'লে বেহাবি কিমান
(২৬) উদক ভেটা ৰখীয়া পাত
(২৭) উলুৰ লগত বগৰী পোৰা
(২৮) উদঙীয়া গৰু ঢাকন নথকা চৰু
(২৯) উপকাৰীক অজগৰে খায়
(৩০) এদেও দুদেও লোটা নিয়াৰ চেও
(৩১) এনেই বুঢ়ী নাচনী, তাতে নাতিনীয়েকৰ বিয়া
(৩২) ওলাই দেখিবা যাক শত্ৰু নেভাবিবা তাক
(৩৩) ক পঢ়িব নেজানে ৰত্নাৱলী পঢ়ে
(৩৪) কটা ঘাত ছেঙা তেল দিয়া
(৩৫) কণাৰ কি দিন ৰাতি কুকুৰৰ কি একাদশী
(৩৬) কথাতেই গতা খায়, কথাতেই বঁটা পায়
(৩৭) কণা হাঁহক পতান দিয়া
(৩৮) ক'ৰ পাৰা আহিলা ক'ত দিলা ভৰি
চোতালখন ফাটি গ'ল চেৰচেৰ কৰি
(৩৯) কাউৰীৰ বাঁহত কুলিৰ পোৱালী
(৪০) কাকনো বুলিবা ককা, আটাইৰে দাড়ি চুলি পকা
(৪১) কালৰো কাল বিপৰীত কাল হৰিণাই চেলেকে বাঘৰ ছাল
(৪২) কিনা হাঁহৰ ঠোঁটলৈকে মঙহ
(৪৩) কুকুৰ চিকুণ গিৰিহঁতৰ যশ
(৪৪) কুকুৰক লাই দিলে গললৈকে জপিয়াই
(৪৫) কুকুৰৰ নেজ দীঘল হব, নিজে পাৰি বহিব
(৪৬) কুকুৰৰ ছাইমুৱা, মানুহৰ গাইমুৱা
(৪৭) কুলাৰ আগৰ পতান
(৪৮) কেঁচু খান্দোতে সাপ ওলাল
(৪৯) কেৰ্কেটুৱাই তামোল খায়, নেউলক বান্ধি কিলায়
(৫০) কেৰেলাতকৈ গুটি দীঘল
(৫১) খন্তেকৰ ভোজ খাওঁতা নাই
(৫২) খাই কাৰ্শলা গছত উঠিল, কাঠি চেলেকাৰ মৰণ মিলিল
(৫৩) খাব জানিলে চাউলেই চিৰা,বহিব জানিলে মাটিয়েই পিৰা
(৫৪) খাবলৈ নাই কণটো, বৰসবাহলৈ মনটো
(৫৫) খেনো মৰে হাড়ে-ছালে, খেনো মৰে মঙহৰ ভাৰে
(৫৬) খেনোক দেখি ৰান্ধে বাঢ়ে,খেনোক দেখি দোৱাৰ মাৰে
(৫৭) খোৰাৰ খোজেপতি অপৰাধ
(৫৮) গছত কঠাল ওঁঠত তেল,নৌ খাওঁতেই ছেল-বেল
(৫৯) গছত তুলি গুৰি কটা
(৬০) গৰু আনিবা ৰিঙটোৰ, ছোৱালী আনিবা দিনটোৰ
(৬১) গাখীৰতে ম'হৰ খুটি সান্দহতে হাত
(৬২) গাত নাই ছাল-বাকলি, মদ খায় তিনি টেকেলি
(৬৩) গাৰ মলি ধুলে যায়, মনৰ মলি লগতে যায়
(৬৪) গোঁজেই গজালি হোৱা
(৬৫) গোৰ মাৰি গংগাত পেলা
(৬৬) গোহালিৰ গৰু, বাৰীৰ ঘাঁহে ৰাহি যোৰা নাহে
(৬৭) ঘঁহি থাকিলে শিলো ক্ষয় যায়
(৬৮) ঘনাই খুটিলে শিঙৰাও মাছ
(৬৯) চকু থাকি খালত পৰ
(৭০) চকুত ধূলি মাৰ
(৭১) চকুৰ আঁতৰ হ'লে মনৰো আঁতৰ হয় ৷
(৭২) চকুৰ কুটা দাঁতৰ শাল
(৭৩) চ'তৰ বিহুলৈ ছমাহ থাকোঁতেই হাত মেলি নচা
(৭৪) ছেগ চাই কঠিয়া পাৰ
(৭৫) ছোৱালী আনিবা মাক ভাল, মাটি কিনিবা মাজ খাল
(৭৬) জনাৰ ভাত মাছ, নজনাৰ গলগ্ৰহ
(৭৭) জ্বলা জুইত ঘিঁউ ঢাল
(৭৮) টেঙা আম এবাৰহে বেচিবা
(৭৯) ঢোলৰ কোবতকৈ ওঁঠৰ কোব চৰা
(৮০) ঢোলৰ লগত টেমেকা
(৮১) তুলসীৰ লগত কলপটুৱাৰো মুক্তি
(৮১) তিলটোকে তালটো কৰ
(৮২) তোমাৰ বাৰীৰ বাঁহ গাজ, তাৰে কৰিছো খৰিচা
তাকে সলাই ধান দুদোন নিওঁ কথাটো মন কৰিছা
(৮৩) দুই ম'হৰ যুঁজত বিৰিণাৰ মৰণ
(৮৪) দিনৰ পৰ্বত ৰাতিৰ জুই, তাক নেদেখি থাকিবা শুই
(৮৫) দুই নাও দুই ভৰি
(৮৬) ধান পকে মানে টুনিৰ মৰণ
(৮৭) ধাৰে মাৰিলেও মৰা, গাদীৰে মাৰিলেও মৰা
(৮৮) ন-ৰান্ধনীৰ পৰিল পাল, কচু ঢেঁকীয়াৰ নেপায় তাল
(৮৯) পচলাতে দাঁত ভগা
(৯০) পাঁচো আঙুলিৰে খায়, বুঢ়াই হেচুকিলেহে যায়
(৯১) ফটা মাহ জোৰা নেলাগে
(৯২) ফটা হওক ছিটা হওক পাতৰ টঙালি, কণা হওক কুজা হওক ভূঞাৰ পোৱালী
(৯৩) বাহিৰে ৰং-চং ভিতৰে কোৱা ভাতুৰী
(৯৪) বান্ধিলে মন শিলৰ খুটি, মেলিলে মন ঘঁৰাৰ চুটি
(৯৫) ভুকুতে কল নপকে
(৯৬) মাহৰ মাৰ দেখি তিলে বেট মেলিলে
(৯৭) মানুহ মৰে কৈ, চৰাই মৰে ৰৈ
(৯৮) যমে নিলেও নিয়া, জোঁৱায়ে নিলেও নিয়া
(৯৯) ৰাইজে নখ জোকাৰিলে নৈ বয়
(১০০) শাকত নেখায় লোণ, পিতিকাত যায় তিনিগুণ
(১০১) সান্দহ খোৱা বালি তল যোৱা
